Þann 24.janúar kom Barbara Guðbjartsdóttir og bauð upp á Höfuðbeina- og spjaldhryggsmeðferð. Þeir íbúar sem þessa þjónustu þiggja, greiða fyrir hana sjálfir. Barbara hefur ákveðið að koma til okkar einu sinni í mánuði eða á meðan áhugi íbúa er á hennar þjónustu. Við þökkum Barböru kærlega fyrir að bæta okkur við sína dagskrá en hún er að koma alla leið …

Þátttakendur matreiðslunámskeiðsins vilja ólmir að myndir séu teknar í hverjum tíma. Það verður að vera til á mynd hversu gaman er og einnig hversu dugleg þau eru. Það er alltaf gaman að sjá íbúana okkar framkvæma eitthvað sem þau töldu sig etv ekki geta framkvæmt. Þau halda ótrauð áfram á námskeiðinu og hafa gaman af.

Hjúkrunarheimilið Fellsendi; íbúar og starfsfólk, óska öllum gleðilegs nýs árs með þökk fyrir allt á liðnu ári.

Í dag, 18.des, skruppum við í dásamlega fallegu (en köldu) veðri í Saurbæinn að gæða okkur á vöfflum og kaffi í boði Guðrúnar E. Jóhannsdóttur. Hún tók vel á móti okkur og þar sem mikið var spjallað að þá steingleymdist að taka myndir nema á leiðinni heim 😉 Við þökkum Guðrúnu fyrir okkur og skemmtilega samveru.

Áfram höldum við með matreiðslunámskeiðin og elduðu þau hamborgara í dag.

Við fengum dásamlegt boð í vöfflukaffi til hennar Guðrúnar E. Jóhannsdóttur að Stóra Múla í Saurbæ. Hún bauð okkur að koma og þiggja veitingar í nýuppgerða fjósinu hjá þeim hjónum. Fjósið er nú komið með annan tilgang en það er að vera samkomuhús. Ákveðið var að fara í tvær ferðir með íbúa til hennar, annars vegar kvennaferð og hinsvegar karlaferð. …

Okkur var boðið að fá til okkar sveitunga til að vera með upplestur fyrir okkur á aðventunni og að sjálfsögðu þáðum við það. Eitthvað fyrirfórst að taka myndir en til okkar komu nokkrir galvaskir einstaklingar og lásu fyrir okkur. Þetta er notaleg og skemmtileg stund og þökkum við Berghildi Pálmadóttur kærlega fyrir að standa fyrir þessu.

Í dag, 9.des, á hann Kalli okkar afmæli og fögnum við því! Hann bað um rjómatertu og varð ekki vonsvikinn með hana 😉 Við óskum Kalla innilega til hamingju með daginn sinn.

Þann 5.des héldum við okkar margrómaða jólahlaðborð. Það var hvergi slegið slöku við og verður alltaf erfiðara og erfiðara að toppa þessi hlaðborð. Þetta varð rosaleg veisla sem endaði í söng og dansi. Allir saddir, sáttir og sælir eftir þessa veislu. Við þökkum Ólöfu Höllu og Skyrgámi kærlega fyrir komuna. Þau sungu, spiluðu og héldu uppi stuðinu 😉

1.desember var mikil veisla hjá okkur þar sem Einar hélt upp á sitt 58 ára afmæli og Kvenfélagið Fjóla hélt sitt margrómaða aðventukaffi. Kirkjukórinn kom og söng nokkur lög undir stjórn Sigurbjargar Kristínardóttur.