Kiðlingar í heimsókn

Við fengum skemmtilega heimsókn frá Sauðafelli, 19.maí, en það voru kiðlingarnirnir Halla Hrund og Jóhanna 🙂 Eins og gefur að skilja þá vakti þessi heimsókn mikla lukku hjá hópnum. Við þökkum Sauðafellsbændum kærlega fyrir að hugsa til okkar.

Allt er betra með glimmeri ;)

Eins og tíðkast hefur hjá okkur síðast liðin ár, þá höfum við ýmsa þemadaga. Í dag, 14.maí, vorum við með glimmerdag. Hver elskar ekki glimmer 😉 Eitthvað var lítið um myndatöku en þó náðust þessar. Það er alltaf gaman þegar það verður eitthvað uppbrot þó það sé ekki mikið.

Kaffiboð og heimsókn í fjárhúsið

Við getum örugglega öll verið sammála um það að einn mesti vorboði sé sauðburður 🙂 Starfsmennirnir (og hjónin) Ágúst og Kristbjörg buðu íbúum að koma í heimsókn að þiggja kaffiveitingar og kíkja síðan á sauðburðinn. Þetta vakti gríðarlega lukku meðal íbúanna og er alltaf jafn gaman og huggulegt að kíkja til þessara eðalhjóna. Við þökkum þeim kærlega fyrir gott boð …

Vorið komið…

Þrátt fyrir að hitastigið sé ekki hátt þá er nú samt komið vor í lofti og þá alveg tilvalið að skella sér út undir beran himininn. Nokkrir íbúar og starfsmenn kíktu út og höfðu gaman 🙂

Halla Hrund forsetaframbjóðandi í heimsókn

Okkur hlotnaðist sá heiður að fá Höllu Hrund forsetaframbjóðanda í heimsókn til okkar þann 28.apríl sl. Ekki var nóg með að hún tók samtalið við okkur heldur kom hún með harmonikku með sér og tók lagið. Við þökkum Höllu Hrund kærlega fyrir komuna og óskum henni góðs gengis í áframhaldandi kosningabaráttu.

Fjölskylduhátíð Fellsenda 25.apríl’24

Líkt og undanfarin ár var haldið upp á Fjölskylduhátíð Fellsenda þar sem aðstandendum og vinum var boðið að koma og njóta dagsins með okkur. Karlakórinn Söngbræður kom og söng fyrir okkur nokkur vel valin lög og mætti segja að það sé komin hefð á að fá þá ágætu menn til okkar. Þeir vekja alltaf mikla lukku hjá okkar fólki. Bjarni …

Skroppið í kaffi og meðlæti í Dalahyttur

Tekin var sú skyndiákvörðun í góðu veðri, þann 13.apríl sl., að skella sér í kaffi og dásamlegt meðlæti hjá henni Guðrúnu í Dalahyttum. Við þökkum henni kærlega fyrir góðar móttökur. Enginn svikinn á að skella sér í Dalahyttur, Hörðudal.

Steinka tekur lagið

Þann 11.apríl sl. kom Steinka til okkar (líkt og hún gerir á tveggja vikna fresti) en í þetta skiptið greip deildarstjórinn okkar, hann Gunnar Bergmann, í gítar heimilisins og spilaði með Steinku við góðar undirtektir.

Höfðingleg gjöf

Á dögunum barst okkur höfðingleg gjöf frá Kvenfélaginu Fjólu. Konur úr stjórn félagsins komu færandi hendi og gáfu Hjúkrunarheimilinu Fellsenda 400.000 kr. sem nýta á í kaup á blöðruskanna fyrir heimilið. Við erum þeim ævinlega þakklát fyrir að hugsa svona fallega til okkar með svo rausnarlega gjöf. Það er ómetanlegt að eiga svona góða að. Á myndinni eru, talið frá …

Heimiliskötturinn vinsæll

Manni, heimiliskötturinn okkar, er afar vinsæll og veitir mikla gleði. Eins og gengur og gerist eru sumir hrifnari af honum en aðrir 😉