Smíðavinna

Nokkrir íbúar hafa verið að koma í iðjuna – vinnustofu til að smíða. Á myndunum hér fyrir neðan er að sjá bæði löng skóhorn og skóþræla sem og hann Halldór G sem vinnur við tifsögina.

Grænn þemadagur

Eins og gengur og gerist hjá okkur, þá er amk einn þemadagur í mánuði og varð GRÆNN fyrir valinu í dag 😉 Eitthvað var nú lítið um myndatöku en það náðist þó ein mynd af skrautinu okkar og að sjálfsögðu fólkinu okkar líka.

Daníela 63 ára afmæli

Í dag, 11.nóvember, á Daníela okkar 63ja ára afmæli. Við fögnuðum því með henni og gæddum okkur á dýrindis brauðtertu. Við óskum Daníelu innilega til hamingju með daginn sinn 🙂

Matreiðslunámskeið

Íbúum var boðið að taka þátt í matreiðslunámskeiði og er hvert námskeið 4 skipti. Hér er að sjá myndir af fyrsta hópnum. Það var gaman að fylgjast með þeim takast á við þetta verkefni og skemmtu þau sér vel og voru áhugasöm. Í þessum tíma elduðu þau ofnbakaðan lax og hrísgrjón.

Hrekkjavaka

Við héldum upp á hrekkjavöku og það með stæl. Húsið varð alveg hræðilega óhugnanlegt og margir fóru í búning. Talsvert af skrautinu bjuggu íbúarnir til í iðjunni – vinnustofu og voru þau auðvitað mjög stolt.

Gísli 67 ára afmæli

Í dag, 30.október, fagnar Gísli okkar 67 ára afmæli sínu. Hann vildi brauðtertu í tilefni dagsins 🙂 Við óskum Gísla innilega til hamingju með daginn sinn.

Bleikur dagur

Við létum ekki bleika daginn framhjá okkur fara og skelltum heimilinu í bleikan búning 😉

Helgar keilan ;)

Það er orðin fastur liður hjá okkur að spila ýmist keilu eða boccia um helgar. Góð þátttaka og mikil skemmtun.

Boccia aldrei vinsælli!

Það fjölgar alltaf í hópi þeirra sem vilja spila Boccia hjá okkur og var met þátttaka í dag. Teknar voru nokkrar umferðir því enginn vildi hætta 😉