Í dag fengum við einn krúttlegan loðbolta í heimsókn.

Þar sem nóg var af fíflum á svæðinu 😉  þá var ákveðið að tína nokkra og vinna úr þeim t.d. síróp.

Í dag var ákveðið að breyta aðeins til að bjóða öllum upp á kanilsnúða og kókómjólk með uppdekkuðum borðum. Þetta vakti mikla lukku hjá öllum.

Í dag var ákveðið með skömmum fyrirvara að skreppa að Eiríksstöðum í Haukadal. Það fóru fjórir vaskir menn, ásamt fylgdarliði, og hlýddu á merka sögu Eiríks rauða. Þeir sem vildu fengu að prófa að handfjatla meðal annars exi og skjöld.  

Þegar sólin fer að skína þá birtir yfir öllu, líka okkur. Hér á meðfylgjandi myndum eru nokkrir að sinna mikilvægri iðju.

Við gripum tækifærið þegar Cosmo kom í Búðardal (31.maí) með fatamarkað og skelltum okkur í dömuferð. Það fóru 2 dömur en verslað var fyrir fleiri.

Síðast liðinn föstudag, 26.maí, kom Steinka til okkar og hélt uppi söng og gleði. Þetta var síðasta skiptið hennar fyrir sumarfrí. Hún mun vonandi koma aftur til okkar í haust. Meðfylgjandi myndir segja meira en þúsund orð.

Þann 17.maí sl. var skroppið í bíltúr að Stóra-Vatnshorni í Haukadal, þar sem kíkt var inn í kirkjuna og síðan inn í fjárhús að knúsa lömbin. Ágúst (sem er ættaður frá Stóra-Vatnshorni) og Kristbjörg, kona hans (þau eru bæði starfsmenn á Fellsenda) tóku á móti Önnu Þóru og Helgu hjúkrunarforstjóra. Líkt og myndirnar sýna, þá var mikil gleði með þessa …

Það er sko ekki slegið slöku við á Fellsenda og eru kapparnir Albert og Þröstur duglegir að fara hjóla og hafa gaman af eins og sést á svipnum á þeim 🙂

Farið var í tveimur fámennum hollum, fyrir og eftir hádegi (15.maí’23), í Vínlandssetrið í Búðardal, þar sem við gæddum okkur á rjúkandi, matmikilli súpu og nýbökuðu brauði. Ekki veitti af þar sem úti var aftur kominn snjór og heldur hráslagarlegt. Við hlýjuðum okkur því vel innan dyra á ljúffengum veitingum og áttum góða stund saman.