Einar Björnsson, íbúi á Fellsenda, var staðráðinn í að fjölga trjánum í kringum heimilið. Hann fór því og keypti sér nokkrar vel valdar Keisara aspir og Pinna aspir. Hann fékk síðan góða aðstoð frá Óskari Birni, starfsmanni, við að planta þeim á stað sem mun fá heitið Einarslundur. Það verður gaman að fylgjast með þessu verkefni Einars í framtíðinni.  {showtime …

Mikill undirbúningur og vinna hefur verið sl. vikur hjá okkar fólki þar sem iðjan setti í sölu garðskraut í litunum fyrir Bæjarhátíðina í Búðardal (1.-3.júlí). Vel var tekið í þessa hugmynd okkar og höfðum við nóg að gera. Nokkrir íbúar fóru síðan í Búðardal á föstudaginn sl., 1.júlí, og skoðuðu útkomuna í görðum bæjarbúa.  {showtime 11}

Á þjóðhátíðardaginn sjálfan, 17.júní, var skroppið með nokkra íbúa að sjá hátíðarhöldin í Búðardal. Stoppað var að sjálfsögðu í Dalabúð til að fá sér vöfflur og kaffi og þar var enginn annar en sóknarprestur okkar, sr. Snævar, sem lét sig ekki vanta í myndatöku 🙂 {showtime 10}

Ákveðið var að skella sér í langferð alla leið á Hellissand þar sem Kalli sýndi okkur gamla bæinn sinn með viðkomu í kirkjugarðinum. Að sjálfsögðu stoppuðum við og fengum okkur að borða á Skerinu í Ólafsvík. Enginn svikinn þar 🙂 Þetta var langur og góður dagur.  {showtime 7}

Þar sem við erum svo heppin að það opnaði nýtt kaffihús rétt hjá okkur, þá lá leið okkar auðvitað þangað. Árblik í Suðurdölum var með ljúffengar vöfflur m/rjóma og kaffi/gos með því þennan daginn. Allir sáttir með það 🙂 {showtime 6}  

Þegar Steinunn Pálsdóttir (betur þekkt sem Steinka Páls) kemur á Fellsenda er ætíð mikil gleði. Hún syngur, spilar og heldur uppi stuði með íbúum og starfsfólki. Það er ávallt mikið fagnaðarefni þegar hún kemur og þökkum við henni vel fyrir það. Meðfylgjandi eru myndir frá heimsókn hennar 2.júní sl.  {showtime 5}

Þann 31.maí sl. var ákveðið að skreppa í dömuferð í Borgarnes þar sem við skruppum á Grillhúsið að borða og síðan lá leiðin á fatamarkað Cosmo þar sem dömurnar keyptu sér allar eitthvað fallegt til að vera í. Mikil gleði og ánægja var með ferðina.  {showtime 4}

Hjúkrunarfræðingur sumarafleysingar Fellsendi hjúkrunarheimili óskar eftir að ráða hjúkrunarfræðing í sumarafleysingar. Heimilið er staðsett í fallegri sveit Miðdala, um 20 km fyrir sunnan Búðardal. Á Fellsenda er rekið hjúkrunarheimili fyrir 27 íbúa sem glíma við geðsjúkdóma/geðfatlanir af ýmsum toga. Á Fellsenda ríkir góður starfsandi og heimilisbragur enda er starfið þar framsækið og metnaðarfullt.

Þegar sólin lætur sjá sig og veðrið leikur við okkur, þá skellum við okkur í ísbíltúr og kíkjum á kanínuungana á Erpsstöðum.  {showtime 3}

Iðjan ákvað að bjóða íbúum og starfsmönnum upp á dekurdaga þar sem íbúarnir voru búnir að vera mjög duglegir að útbúa ýmsa maska, skrúbba, krem og sápur undir handleiðslu Fanneyjar, starfsmanns iðjunnar. Boðið var upp á tvær útgáfur af dekri; andlitsdekur og handadekur. Í andlitsdekrinu var boðið upp á skrúbb, maska, rakakrem, varasalva og hitabakstur á axlir. Í handadekrinu var …